Satellite

سلامة مرارتك - أحمد فؤاد نجم  613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا سلامة مرارتك - أحمد فؤاد نجم  829894
ادارة المنتدي سلامة مرارتك - أحمد فؤاد نجم  103798

انضم إلى المنتدى ، فالأمر سريع وسهل

Satellite

سلامة مرارتك - أحمد فؤاد نجم  613623
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا سلامة مرارتك - أحمد فؤاد نجم  829894
ادارة المنتدي سلامة مرارتك - أحمد فؤاد نجم  103798

Satellite

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
Satellite

العالم من حولك ( منتدى شامل يهتم بجميع امور الحياه )


3 مشترك

    سلامة مرارتك - أحمد فؤاد نجم

    وائل الشاذلى
    وائل الشاذلى
    عضو مميز
    عضو مميز


    سلامة مرارتك - أحمد فؤاد نجم  Empty سلامة مرارتك - أحمد فؤاد نجم

    مُساهمة من طرف وائل الشاذلى الجمعة يناير 14, 2011 11:42 pm

    سلامة مرارتك

    للزجال الشعبي الكبير أحمد نجم

    سلامة مرارتك *** يا فاقع مرارة مراة الفقير
    فلا جوزها جايب *** ولا الفقر تايب
    ولا حتي سايب *** مَيَّة في قُلة
    ولا كوز في زير *** سلامة مرارتك

    *** ***
    سلامة مرارتك *** مرارة العُـزاز
    وإيه يعني إحنا *** ما نِوْلع بجاز
    إنتَ الحقيقة *** وإحنا المجاز
    تفضلْ وييجي *** بدالنا البديل
    شوية خباثة *** وعوامل وراثة
    نصبح بهايم *** ونصبح بديل
    فتقدر ساعتها *** تنام مَلو عينك

    ويعلى الشخير *** سلامة مرارتك
    *** ***
    سلامة مرارتك
    سلامة المرارة *** يا واقع علينا بسعر الخسارة
    فلا فيه صناعة *** ولا فيه تجارة
    ولا فيه مدير
    ولا فيه إدارة *** ولا فيه وزارة تسيب الوزير
    سلامة مرارتك

    *** ***

    سلامة مرارتك
    فداها المواطن *** أبو قلب راطن كلام الهموم
    فلا نفس راضية *** ولا جتة فاضية
    بلاوي وسموم *** ولا علاج مداوي
    مفيش غير حكاوي *** بتاخد بإيدنا لآخر المصير
    سلامة مرارتك
    ***
    سلامة مرارتك
    وألفين سلامة *** يا سايب في كل المنازل علامة
    مجاعة ... أنين ... كآبة ... ندامة
    جهل وبطالة وعوالة وعيا
    وفنون رخيصة وقِلِّة حيا
    وهموم بتكتر *** وهموم تزيد
    إنت في زيادة همومنا خبير
    سلامة مرارتك

    *** ***

    سلامة مرارتك يا ابو القد فارع
    يا مالي عنينا بزبالة الشوارع
    أمال بندفع ضرايب لمين
    شمالك بتاخد *** وواخدة اليمين
    شكلك بتحلف علينا اليمين
    ما تجعل في جيبنا قليل أو كتير
    سلامة مرارتك

    *** ***

    سلامة مرارتك
    دي واخدة الحصانة
    بنشقى وتاكل علينا شقانا
    لا خلِّيت أمامنا ولا فيه ورانا
    ضرايب *** عوايد *** فاتورة *** رسوم
    ننام بالفاتورة *** وبيها نقوم
    على البصَّة ندفع فاتورة لعِنينا
    ولو نعمى ندفع فاتورة ضرير
    سلامة مرارتك

    *** ***

    سلامة مرارتك يا صاحب الهمم
    بخطبة بنطلع لأعلى قمم
    وننزل على جدورنا بين الرمم
    على الوهم ياما وياما بنينا
    أوامر تجيبنا *** أوامر تجينا
    على خطوة واحدة في محلك نسير
    سلامة مرارتك

    *** ***

    سلامة مرارتك *** إحنا فداها
    تفرقع مرارتك *** نفرقع وراها
    حالنا بدونك عمره ما ماشي
    إحنا بدونك شوية مواشي
    من غير راعيها *** ومن غير كبير
    سلامة مرارتك
    ahmed
    ahmed
    مشرف عام
    مشرف عام


    سلامة مرارتك - أحمد فؤاد نجم  Empty رد: سلامة مرارتك - أحمد فؤاد نجم

    مُساهمة من طرف ahmed السبت يناير 15, 2011 12:04 am

    مشكور اخى على هداياك القيمه
    موسى محمد
    موسى محمد
    مشرف
    مشرف


    سلامة مرارتك - أحمد فؤاد نجم  Empty رد: سلامة مرارتك - أحمد فؤاد نجم

    مُساهمة من طرف موسى محمد السبت يناير 15, 2011 10:05 am

    ألف شكررررررر ياغالي بارك الله فيك

      الوقت/التاريخ الآن هو الإثنين مايو 13, 2024 2:48 am